Asbjørn er truleg vår sprekaste skribent.
Eg er 19 år, og er elev på Framnes Kristne vgs. Skulen er over 100 år gammal, og ligg 3 km frå Norheimsund i Hardanger. Det å få gå på ein kristen internatskule er både eit privelegium og ei utfordring. Eit privelegium i form av at ein får høyre mykje kristen forkynning i form av morgenandakter og kveldsmøter. Det å gå på ein kristen internatskule er også ei utfordring, i form av at det er lett å bli sløva ned og likegyldig. Ein tenker lett at ein får så mykje kristent input andre plasser slik at ein ikkje tek seg tid til å lese nok i Guds ord. I tillegg er det lett for at noko så selfølgelig som Gud blir tabu på ein skule der Gud som regel kun blir nemnt i andakter og på møter. Slik sett saknar eg å vere eit lys for Gud på ein ikkje-kristen skule, ved å kontinuerlig bli utfordra på trua mi, noko eg særs sjeldan blir på ein kristen internatskule.
Utanom å delta på Framnes sine møter, går eg også på bedehuset heime i Samnanger. Sjekk gjerne web-sida www.fordeg.com. Elles liker eg å springe i motbakker, og deltek gjerne årlig på 10-15 motbakkeløp.
Kva neste år vil bringe, veit eg ikkje, men eg håper å få meg eit år på bibelskule, og eg vil også oppfordre alle andre til akkurat det. Eg vil gjerne helse lesarane med Hebrearane 4:12, i tillegg til eit sitat av den kjende forkynnaren Leonard Ravenhill:
"No man - I don't care how colossal his intellect - No man is greater than his prayer life."
Vil elles anbefale fleire av Leonard Ravenhills tankevekkande sitat. Sjå fleire på http://dailychristianquote.com/dcqravenhill.html og http://www.puritanfellowship.com/2007/11/leonard-ravenhill-quotes.html
Skulle det elles vere noko, er det berre å ta kontakt!
Mvh
Asbjørn
